Qohumunun avtomobilini sökərək ehtiyat hissələrini satan şəxs saxlanılıb.
DİN-in Mətbuat xidmətinin Lənkəran regional qrupundan Yenisabah.az-a verilən məlumata görə, Masallı rayonunun Yeddioymaq kəndində yerləşən evlərdən birinin qarajında “VAZ 21074” markalı avtomobilin ümumilikdə 1500 manat dəyərində akkumulyatoru, 5 ədəd təkəri, radiator və digər ehtiyat hissələrinin sökülərək oğurlanması barədə polisə müraciət edilib. Masallı RPŞ-nin əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən şəxs müəyyən edilərək saxlanılıb. Araşdırmalarla onun zərərçəkmişin qohumu, Masallı rayonunun Yeddioymaq kənd sakini A.Ağayev olduğu və ehtiyat hissələrini söküb oğurladıqdan sonra satdığı müəyyən edilib.
Faktla bağlı araşdırma aparılır. pizza sifarişi
Telegram kanalımız
