Prezidentin ictimai-siyasi məsələlər üzrə keçmiş köməkçisi Əli Həsənovla Azərbaycan Həmkarlar İttifaqları Konfederasiyasının sabiq sədri, deputat Səttar Möhbalıyevin qudalığına son qoyulub.
Yenisabah.az gununsesi.info-ya istinadla xəbər verir ki, deputatın oğlu İsfəndiyar Möhbalıyevlə Əli Həsənovun qızı Səfiyə Möhbalıyeva boşanıblar.
Onlar 2008-ci ildə ailə qurmuşdu, birgə nikahdan 16 və 11 yaşlı iki övladları var. pizza
Boşanma ərizəsini Nəsimi Rayon Məhkəməsinə İsfəndiyar Möhbalıyev təqdim edib. Qarşı tərəf də razılaşıb.
“Qarşılıqlı razılaşma ilə uşaqların hər ikisi anada qalıb. Buna baxmayaraq, ana uşaqlar üçün alimentdən də imtina edib”, deyə məlumatda bildirilir.
Xatırladaq ki, İsfəndiyar Möhbalıyev əvvəllər daxili işlər orqanlarında çalışıb. O, Bakının Yasamal, Xəzər, Qaradağ rayonlarının polis rəisi və başqa vəzifələrdə çalışıb. 2021-ci ildə Daxili İşlər naziri Vilayət Eyvazovun əmri ilə daxili işlər orqanlarından xaric olunub. O zaman məlumat yayıldı ki, o, öz istəyi ilə çıxarılıb.
Qeyd edək ki, İsfəndiyar Möhbalıyev daxili işlər orqanlarından əvvəl prokurorluqda çalışıb, Nərimanov rayon prokurorunun müavini olub. Zaman-zaman adı müxtəlif qalmaqallarda keçən Möhbalıyev 2006-cı ildə keçmiş Ədliyyə naziri Fikrət Məmmədovun oğlu ilə aralarındakı davaya görə mətbuatın müzakirə mövzusuna çevrilmişdi.
Telegram kanalımız
