Rusiya Müdafiə Nazirliyinin rəsmi saytındakı “sülhməramlı” kontingentə aid bölmədə həmin kontingentin 17-21 sentyabr və 30 sentyabr 2022-ci il tarixlərinə aid dislokasiya xəritələrində avqustun 26-da rəsmən Azərbaycan dövlətinin yurisdiksiyasına qaytarılmış Laçın şəhərinin yenidən Rusiya hərbçilərinin məsuliyyət və nəzarət zonasına gah daxil edilməsi, gah da çıxarılması haqda yazmışdıq.
Moderator.az-ın dünənki araşdırmasından bəlli olur ki, son 4 gün ərzində oxşar oyun Laçın rayonunun avqustun 26-da rəsmən Azərbaycan dövlətinin yurisdiksiyasına qaytarılmış digər yaşayış məntəqəsi- Zabux kəndinin ətrafında baş verir.
Belə ki, oktyabrın 4-ə aid xəritədən Rusiya hərbçiləri Ermənistanla sərhəddəki 1 nömrəli “sərhəd körpüsü” postundan Zabux kəndinədək patrul xidməti keçirdiyi bəlli olur və Zabux kəndi həmin xəritədə “sülhməramlı”ların dislokasiya xəritəsinə daxil edilir. Oktyabrın 5-də eyni məntəqə həmin xəritədən çıxarılır, ayın 6 və 7-də isə yenidən daxil edilir. Toyuqlu pizza
Telegram kanalımız
