Rusiya və İran liman fəaliyyəti və gəmiçilik sahəsində əməkdaşlığı inkişaf etdirmək niyyətindədirlər.
Yenisabah.az Interfax-a istinadla xəbər verir ki, Rusiya Federasiyası nəqliyyat nazirinin müavini Dmitri Zverev İranın yollar və şəhərsalma nazirinin müavini Səid Rəsuli ilə danışıqlar aparıb.
Rusiya və İran gəmiçilik şirkətləri ilə Rusiya və İran limanlarından ibarət konsorsiumun (Assosiasiya) yaradılması barədə razılıq əldə olunub. Belə şirkətlər və limanlar arasında may ayında Mahaçqalada danışıqların aparılması planlaşdırılır. pizza sifarişi
Danışıqların gündəliyinə gəmiçiliyin inkişafı, daşıma tariflərinin razılaşdırılması, həmçinin digər Xəzəryanı dövlətlərin limanları və gəmiçilik şirkətləri ilə birgə iş məsələləri daxildir.
Bundan əlavə, tərəflər Şimal-Cənub beynəlxalq nəqliyyat dəhlizi və xüsusilə onun şərq və qərb marşrutları üzrə daşımaların inkişafının nəticələri və perspektivlərini, həmçinin Rəşt-Astara dəmir yolu xəttinin tikintisi layihəsinin həyata keçirilməsini müzakirə ediblər.
Tərəflər həmçinin mayın 23-dən 25-dək Beynəlxalq Avtomobil Daşıyıcıları Assosiasiyasının iranlı həmkarları ilə ekspert məsləhətləşmələri və görüşləri, habelə aviasiya hakimiyyətlərinin məsləhətləşmələri keçirməyi planlaşdırırlar.
Telegram kanalımız
