“Şimal-Cənub” layihəsi, Rusiya lideri Vladimir Putin və Azərbaycan Prezidenti İlham Əliyevin dəfələrlə dediyi kimi, Avrasiya ölkələrini birləşdirməli olan körpüdür.
Yenisabah.az “Report”a istinadla xəbər verir ki, bunu Rusiya ilə Azərbaycan arasında müttəfiqlik münasibətləri haqqında Bəyannamənin imzalanmasının ildönümünə həsr olunan dəyirmi masada Müasir Dövlət İnkişafı İnstitutunun (Sankt-Peterburq) direktoru Dmitri Solonnikov deyib.
“Bu nəqliyyat dəhlizinin marşrutu Rusiyadan başlayır, Azərbaycandan keçir, oradan İran, Türkiyə, Hindistan və s. istiqamətlərə gedir. Bu layihə strateji vektordur və biz uzun illərdir layihənin başlanmasına hazırlaşırıq”, – o bildirib. Pepperoni pizza
Bu kontekstdə Solonnikov Azərbaycanın işğaldan azad edilmiş ərazilərinin minalardan təmizlənməsinin vacibliyini də qeyd edib:
“Əməkdaşlığımızın ən mühüm elementi hərbi-texniki istiqamətdir. Azərbaycandan olan həmkarlarımızla görüşlərdə tez-tez işğaldan azad edilmiş ərazilərdə mina problemi eşidirik. Rusiyanın bu sahədə böyük təcrübəsi, lazımi texniki resursları və mütəxəssisləri var. Ona görə də biz həm dostlarımıza dəstək verə bilərik, həm də işğaldan azad edilmiş əraziləri birgə inkişaf etdirə bilərik”, – ekspert vurğulayıb.
Telegram kanalımız
