"Türkiyə ilə mürəkkəb münasibətlərə gəlincə, ən çətin məsələ "erməni soyqırımı"nın tanınmasıdır".
Yenisabah.az "Armenia News"a istinadla xəbər verir ki, bunu Rusiya Elmlər Akademiyasının Dünya İqtisadiyyatı və Beynəlxalq Münasibətlər İnstitutunun baş elmi işçisi Viktor Nadein-Raevski deyib.
Rusiyalı politoloq Ermənistanla Türkiyə arasında əldə olunan son razılaşmaları, xüsusilə üçüncü ölkə vətəndaşları üçün quru sərhədlərinin açılmasını və hava yüklərinin daşınması imkanlarını dəyərləndirib: pizza
“Əlbəttə, belə bir çıxış yolunu müsbət qiymətləndirmək olar, çünki Ermənistanın blokadaya alınması bütün son illər ərzində respublikaya böyük ziyan vurmuş çox ciddi aksiyadır. Digər tərəfdən, bu, əlbəttə ki, yolun yalnız başlanğıcıdır”.
Ekspertin sözlərinə görə, danışıqların ilkin şərt olmadan başlaması çox vacibdir, çünki Türkiyə ilə Ermənistan arasında hazırda münasibətlərdə həllini tapmayan məqamlar var.
Politoloq qeyd edib ki, söhbət təkcə Qarabağdan deyil, danışıqlarda ən çətin məqam olacaq sərhədlərin demarkasiyası məsələsində, Ermənistan üçün qəbuledilməz olan Azərbaycanın şərtlərindən gedir.
“Türkiyə ilə çətin münasibətlərə gəlincə, ən çətin məsələ "erməni soyqırımı"nın tanınmasıdır. Bəli, zahirən bu, ticarətə və sairə aidiyyatı olmayan məsələdir, amma fakt budur ki, Ermənistan üçün bu, prinsipial məsələdir, çünki "soyqırımı" tanınmadan, onun nəticələrini pisləmədən, təbii ki, normallaşma münasibətlər son dərəcə çətin olacaq. Türkiyə, bildiyimiz kimi, "soyqırımı" faktını daim inkar edir”, - deyə Viktor Nadein-Raevski vurğulayıb.
Ekspert əlavə edib ki, təbii ki, digər məsələlər də ortaya çıxır: bütün nəqliyyat dəhlizlərinin bərpası ilə bağlı nəqliyyat, ticarət, həcmlər, malların xarakteri, onların təsnifatı, keyfiyyəti, lakin onlar artıq qarşılıqlı fəaliyyət prosesində həll olunur.
“Ermənistanda müxalifətin bir hissəsinin mövqeləri kifayət qədər güclüdür ki, bu da soyqırımı və yenə də Qarabağın nizamlanması məsələsini tanımadan irəliləməyi mümkünsüz hesab edir. Türklər məhz Ermənistanda bu münasibətlə keçirilən nümayişləri, mitinqləri nəzərdə tuturlar”, - deyə politoloq əlavə edib.
Telegram kanalımız
