“Azərbaycan Ermənistanı bu məsələdə dəstəkləməlidir”.
Yenisabah.az xəbər verir ki, bu sözləri siyasi ekspert Elçin Alıoğlu deyib. O, fikirlərinə belə davam edib:
“Putin istəsə də, istəsə də, istəməsə də Paşinyanı qəbul etmək məcburiyyətindədir. Bu qəbul 2 ay ərzində olacaq, çünki Paşinyan və Putin arasında danışıqlara ehtiyac var. Ermənistanın Qərbə meyillənməsinə Rusiyanın qarşı çıxması absurddur. Ermənistan Rusiyanın quberniyası deyil. Ermənistan müstəqil siyasət yürütmək hüququna malik bir ölkədir. Bizim Ermənistana olan münasibətimizdən asılı olmayaraq, Ermənistan bir dövlətdir. İstər Qərblə münasibətlərini aktivləşdirər, istərsə də Şərqlə olan treklərini gücləndirər. Rusiyanın buna qıcıqla yanaşması imperiya, şovinist ağrılarının təzahürüdür və bu yol verilməzdir. Bu baxımdan biz istəsək də, istəməsək də bu işdə Ermənistanı dəstəkləməliyik”. pizza
Ekspert bildirib ki, Rusiyanın Cənubi Qafqaz regionunda olan istəkləri də əfsuslar olsun ki, dəyişməyib:
“Rusiya Ukraynadakı savaşı bitirəndən sonra bütün diqqətləri Moldova, Mərkəzi Asiya və Cənubi Qafqaza yönəltmək niyyətindədir.
Putin və Paşinyan arasındakı münasibətlərə gəldikdə isə Putin Paşinyanı çox qeyri-ciddi adam kimi qəbul edir və haqlıdır. Paşinyanın siyasəti çox qəribə, maraqlı və tragikomikdir”.
Aytac Əliyeva
Telegram kanalımız
