Səhiyyə Nazirliyi Azərbaycana gətirilən vaksinin ölkəmizdə geniş tətbiqinə başlanılacaq.
Yenisabah.az APA-ya istinadla xəbər verir ki, bunu Səhiyyə Nazirliyinin eksperti, terapevt Zakir Quliyev deyib.
O bildirib: "Bu vaksinin təhlükəsizliyinə Dünya Səhiyyə Təşkilatı (DST) zəmanət verib. O, Fransada istehsal edilib və dünyada ən çox istifadə edilən vaksindir. Valideynlər tam əmin şəkildə körpələrini vaksin etdirə bilərlər. Xüsusən, 6 ayından sonra körpələr mütləq vaksin edilməlidir. Uşaqlarda xəstəliyin ağır gedişi, hətta pnevmoniya müşahidə edilir. Uşaqların immun sistemi tam formalaşmadığı üçün qripə tez yoluxur. 6 ayından etibarən uşaqlara vaksin vurulması tövsiyə olunur". Toyuqlu pizza
Zakir Quliyev qeyd edib ki, xəstəlik zamanı qrip əleyhinə peyvənd vurdurmaq tövsiyə olunmur:
“Xəstəlik tam sağalıb simptomlar gedəndən sonra vaksin vurdurmaq olar. Bu günə qədər vaksinlərdən ciddi əks-təsir aşkarlanmayıb. Yüngül təsirlər - qızartı, temperatur və s. ola bilir. Bundan əlavə, allergiyası, xüsusən də yumurtaya qarşı allergiyası olan insanlara qrip əleyhinə vaksin vurdurmaq tövsiyə edilmir”.
Telegram kanalımız
