"Spartak"ın futbolçusu Ayaz Quliyev ikinci komandaya göndərilib.
Yenisabah.az Sportinfo.az-a istinadən xəbər verir ki, bu barədə klub rəhbərliyi qərar qəbul edib.
Əvəzində əsas komandaya 18 yaşlı Konstantin Şiltsov gətirilib. "Sport-Ekspress" yazır ki, əslən azərbaycanlı yarımmüdafiəçi komandadaxili nizam-intizamı pozduğu üçün cəzalandırılıb. Bu, özünü "Spartak"ın məşqçilər heyətinin üzvləri ilə qeyri-korrekt ünsiyyətdə göstərib. pizza
24 yaşlı oyunçu fiziki hazırlıq üzrə məşqçi Vladimir Çipzanoviçlə münaqişəyə girib. İstedadlı futbolçu serbiyalı mütəxəssisin tapşırıqlarını dəfələrlə şübhə altına alıb. Nəticədə rəhbərlik onu əsas komandadan kənarlaşdırıb.
Quliyev azı Rusiya Premyer Liqasının yekunlaşacağı iyulun sonlarınadək cəzalı qalacaq. Daha sonra onun üçün pulsuz icarə variantı axtarılacaq.
Ayda 5,6 milyon rubl (132 804 manat) maaş alan futbolçunun birdəfəlik alınmasından hazırkı şəraitdə söhbət belə getmir. Ona elitada qalacaqları təqdirdə, "Krılya Sovetov" və "Tambov"un iddia edəcəkləri güman olunur.
"Spartak" tərəfinin təşəbbüsü əsasında Quliyevlə əməkdaşlığa son qoyulma variantı da mövcuddur. Ötən il keçmiş kapitan Denis Qluşakov və müdafiəçi Dmitri Kombarov da eyni aqibəti yaşayıb.
Ayaz Quliyev 2019/2020 mövsümündə "Spartak"da 15 oyun keçirsə də, məhsuldarlıqla yadda qalmayıb.
Telegram kanalımız
