İran Vaşinqtonda Azərbaycan, Ermənistan və ABŞ arasında imzalanan üçtərəfli bəyannamədən sonra Naxçıvandan Bakıya yük daşıyan sürücülərə qarşı nəzarət və təzyiqləri artırıb.
Yenisabah.az xəbər verir ki, bu barədə “Gündəlik Naxçıvan” məlumat yayıb.
Məlumata görə, Naxçıvandan çıxan sürücülər günlərlə ac-susuz, çöllük ərazidə toz-torpaq içində saxlanıldıqdan sonra Azərbaycana buraxılır. Marqarita pizza
“Burada nə yemək, nə də su var. Nəsə almaq üçün kilometrlərlə yolu piyada getməli oluruq. Tualet də yoxdur. Bizimlə heyvan kimi davranırlar”, – deyə sürücülərdən biri bildirib. Onların sözlərinə görə, İran rəsmiləri açıq şəkildə, “xoşunuza gəlmirsə, gedin Tramp marşrutundan istifadə edin” deyirlər.
Xatırladaq ki, avqustun 8-də imzalanan bəyannamə Azərbaycanın əsas hissəsi ilə Naxçıvan arasında ABŞ nəzarətində “Tramp marşrutu”nun yaradılmasını nəzərdə tutur. Tehran bu təşəbbüsə sərt etirazını bildirib.
Aytac Əliyeva
Telegram kanalımız
