Tacikistanda Əbülqasim Firdovsinin “Şahnamə”sinin pulsuz yayılmasına başlanılıb.
Yenisabah.az BBC Farsi-yə istinadla xəbər verir ki, indiyədək kirilı qrafikalı kitabın 2 cildi əksər bölgədə hər bir ailəyə paylanıb.
Tacikistanda 1 milyon 700 min ailə "Şahnamə" ilə təmin edilib. Kitab Tacikistan prezidentinin aparatına tabe olan “Şərq Azad” nəşriyyatında ümumən 3 milyon 400 min tirajla çap olunub. Dominos pizza
2023-cü ilin dekabrında “Şahnamə”nin nəşri və Tacikistan xalqına pulsuz bağışlanması haqqında sərəncamı prezident Emoməli Rəhmon imzalayıb.
Bu kitabın hazırlanması və nəşri üçün Tacikistan Elmlər Akademiyasında xüsusi qrup yaradılıb, onun tərkibinə Şahnamə alimləri, mətnşünaslar, filoloqlar, tacik tədqiqatçıları daxil edilib.
Tacikistan hökumətinin bildirdiyinə görə, bu tədbirin məqsədi xalqı “Şahnamə” ilə vətənpərvərlik ruhunda tərbiyə, cəsarət və şücaəti təbliğ etmək, gəncləri ölkənin sərhədlərini və vətənini qorumağa hazırlamaqdır.
Telegram kanalımız
