Gürcüstan, Azərbaycan və Türkiyə hərbçilərinin iştirakı ilə Tbilisidə keçirilən "Eternity 2021" hərbi təlimi başa çatıb.
Yenisabah.az xəbər verir ki, bu barədə Türkiyə Müdafiə Nazirliyinin "Twitter" səhifəsində paylaşım edilib.
Bildirilib ki, oktyabrın 4-də başlayan hərbi təlimlərlə bağlı oktyabrın 8-də bağlanış mərasimi baş tutub. Dominos pizza
Qeyd edək ki, Gürcüstanın Müdafiə Nazirliyinin məlumatına görə, builki təlimdə hər üç ölkədən ümumilikdə 200-dən çox hərbçi iştirak edib. Bu il ilk dəfə olaraq Gürcüstan Daxili İşlər Nazirliyinin (DİN) Strateji Boru Kəmərlərinin Mühafizəsi Departamentinin sürətli reaksiya bölmələri də hərbi təlimlərdə iştirak ediblər.
Hərbi təlimin böhran vaxtı Bakı-Tbilisi-Ceyhan neft kəmərinin təhlükəsizliyinin təmin edilməsi üzrə sülhməramlı əməliyyatların aparılması ssenarisi əsasında təşkil edildiyi və Azərbaycan-Türkiyə-Gürcüstan hərbi birləşmələri arasında qarşılıqlı əməliyyat qabiliyyətinin yüksəldilməsinə yönəldiyi bildirilib.
/APA
Telegram kanalımız
