Türkiyə ordusu Suriyada PKK-nın səhra komandirini məhv etdi

Türkiyə ordusu Suriyada PKK-nın səhra komandirini məhv etdi

Digər

04 Dekabr 2022 08:10 385


Türkiyə Silahlı Qüvvələri Suriyanın Haseke vilayətində YPG-nin (PKK terrorçularının Suriya qanadı - red.) səhra komandirini məhv edib.

“Report” xəbər verir ki, bu barədə “Al-Hadath” telekanalı məlumat yayıb.

Qeyd olunub ki, Türkiyənin pilotsuz uçuş aparatları terrorçulara məxsus avtomobil karvanını bombalayıb.

Belə ki, YPG terror təşkilatının adı açıqlanmayan səhra komandirinin olduğu avtomobillərdən birinə iki raket düşüb, bir neçə yaraqlı isə məhv edilib.

Türkiyənin Milli Müdafiə Nazirliyinin isə rəsmi açıqlamasında qeyd olunub ki, “Zeytun budağı” əməliyyatı çərçivəsində xüsysi təyinatlılar Suriyanın şimalında iki terrorçunu məhv edib.

Xatırladaq ki, Suriya və İraqın şımalında keçirilən "Pəncə-Kilid” əməliyyat zamanı 491 terrorçu öldürülüb. 


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!