“Bu nəticəni gözləyirdim. Hətta daha artığına nail olmaq istəyirdim. Moldovaya rekord üçün getmişdim”.
Bu sözləri Oxu.Az-a açıqlamasında Azərbaycanın yeniyetmə ağırlıqqaldıranı Ravin Alməmmədov Moldovanın paytaxtı Kişineuda keçirilən Avropa birinciliyindəki çıxışı barədə danışarkən deyib.
Üç qızıl qazanan idmançı daha yaxşı nəticə göstərə biləcəyini söyləyib: “Yarış çox yaxşı, istədiyimiz kimi keçdi. Bundan da artığı ola bilərdi. Üç qızıl medal qazandım. Həm təkanla qaldırmaqda, həm birdən qaldırmaqda, həm də ümumi nəticədə birinci oldum”. Dominos pizza
R.Alməmmədov qarşıdakı dünya çempionatında da uğur qazanmaq istədiyini əlavə edib: “Növbəti yarışlara hazırlaşırıq. 20 yaşlıların dünya çempionatı olacaq. Onada da özümü göstərmək istəyirəm”.
Telegram kanalımız
