Avstriya yığmasının hücumçusu Marko Arnautoviç AVRO-2020-nin Şimali Makedoniya ilə ilk oyunundakı davranışına görə üzr istəyib.
Yenisabah.az xəbər verir ki, o, C qrupu çərçivəsində keçirilən qarşılaşmada qol vurduqdan sonra işlətdiyi ifadədən peşmandır.
59-cu dəqiqədə meydana daxil olan avstriyalı forvard 89-cu dəqiqədə matçda son nöqtəni qoyub və komandası 3:1 hesablı qələbə qazanıb. Dördpendirli pizza
Qol sevincini yaşayarkən “sənin alban ...” təhqirinə yol verən 32 yaşlı oyunçu irqçi sözlər işlətmək istəmədiyini deyib:
“Mən irqçi deyiləm. Hisslərimə hakim ola bilmədim. Ağzımdan çıxan sözlərə görə Makedoniya və Albaniyadan üzr istəyirəm”.
Avstriya millisi qrupda növbəti oyununu iyunun 17-də Niderlanda qarşı keçirəcək.
Telegram kanalımız
