Neftçala rayonunun Xolqaraqaşlı kənd bələdiyyəsinin üzvü, ictimai fəal Vəfa Nağı cinayət məsuliyyətinə cəlb edilə bilər.
Yenisabah.az xəbər verir ki, bu barədə bələdiyyə üzvünün özü məlumat yayıb. Onun sözlərinə görə, bələdiyyə sədri Əlibala Səlimov və ona yaxın iki şəxs məhkəmədə xüsusi ittiham qaydasında iddia qaldırıb.
Onlar Vəfa Nağının Cinayət Məcəlləsinin 147 (böhtan) və 148-ci (təhqir) maddələri ilə məsuliyyətə cəlb olunmasını istəyirlər. Dördpendirli pizza
Vəfa Nağı 2019-cu ilin dekabrında keçirilən bələdiyyə seçkilərində qalib gələrək Xolqaraqaşlı bələdiyyəsinin üzvü seçilib. Onun bələdiyyə sədrində hesabat tələb etməsi, qurumun fəaliyyətində şəffaflığın təmin olunmasına çalışması bələdiyyə sədrinin maraqlarına toxunub. Bu baxımdan, Əlibala Səlimov Vəfa Nağıya qarşı kampaniyaya başlayıb.
İyunun 16-da isə Vəfa Nağının şəkillərini böyüdərək kəndin bir neçə ictimai yerinə yapışdırıblar. Bələdiyyə üzvünün fikrincə, bunu Əlibala Səlimov etdirib.
Telegram kanalımız
