Bu gün Vəhdət Partiyasının qərargahında Abşeron, Sumqayıt və Bakı şəhər təşkilatlarının rəhbərləri və təşkilat komitələrinin üzvləri ilə geniş formatlı görüş keçirilib.
Partiyanın mətbuat xidmətindən “Yeni Sabah”a daxil olan xəbərə görə, toplantını partiya sədri Adəm İsmayıl Bakuvi açaraq, ölkədə siyasi dialoqun gücləndirilməsi, vətəndaşla birbaşa təmasın artırılması və dövlətçilik məsuliyyətinin möhkəmləndirilməsi istiqamətində görülən işlərin önəmini vurğulayıb.
Adəm İsmayıl Bakuvi Prezident Administrasiyasının Siyasi partiyalar və ganunvericilik hakimiyyəti ilə əlaqələr şöbəsinin təşəbbüsü ilə siyasi partiyaların növbəti səfəri Ağdam səhərinə ilk dəfə yüksək sürətli qatarla təşkil olunmasını xüsusi qeyd edərək, bu hadisəni ölkə tarixində qarşılıqlı etimadın, milli birliyin və dövlət-xalq münasibətlərində yeni mərhələnin simvolu kimi dəyərləndirib. Sezar pizza
Səfər çərçivəsində Ağdam Sənaye Parkı, tikinti , yaşayış obyektləri, Cümə Məscidi və Xıdırlı kəndi , Muğam mərkəzi, konqres mərkəzi, İmarət kompleksi və Hilton hotel tikintidə həyata keçirilən genişmiqyaslı işlərə baxış keçirilib, Azərbaycanın işğaldan azad olunmuş ərazilərində qurulan yeni həyat nümunələri yerində qiymətləndirilib.
Cənab Prezident İlham Əliyevin rəhbərliyi ilə Qarabağda aparılan bərpa və yenidənqurma prosesi sadəcə fiziki infrastrukturun deyil, eyni zamanda milli kimliyin və suveren iradənin təntənəsi kimi qiymətləndirilib. Prezidentin “Qarabağ Azərbaycandır!” çağırışı bu gün artıq real dövlət strategiyası, quruculuq və əzmli fəaliyyətlə müşayiət olunan tarixi qələbəyə çevrilib.
Qeyd olunub ki, bu gün Ağdamda yeni sənaye məkanlarının yaradılması, məktəb və yaşayış infrastrukturunun qurulması, o cümlədən Qırğızıstan Prezidentinin təşəbbüsü ilə tikilən məktəbin açılışında cənab İlham Əliyevlə birgə iştirakı, Azərbaycan diplomatiyasının və türk dövlətləri birliyinin parlaq təcəssümüdür: “Prezident İlham Əliyevin milli iradəyə söykənən strateji baxışı və Qarabağın dirçəlişi uğrunda apardığı yorulmaz mübarizə, bu gün bütün siyasi partiyalara və vətəndaş cəmiyyətinə vətənə xidmətin ən ali nümunəsi kimi yol göstərir.”
Toplantı çərçivəsində Binəqədi, Nərimanov, Yasamal və Nəsimi rayon təşkilatlarının sədrləri hesabatlarla çıxış ediblər. Həmçinin Sumqayıt şəhər təşkilatının rəhbəri şəhər üzrə fəaliyyət, üzvlük dinamikası və sosial aktivliklə bağlı ətraflı məlumat verib.
Yekunda partiya sədri qarşıdakı mərhələdə rayon təşkilatlarının sıravi üzvlərlə görüşlər keçirməsini, yeni konfransların təşkil olunmasını və hər rayonda partiyanın fəaliyyət planlarının daha da konkretləşdirilməsini tapşırıb. Bu qərarlar partiyanın strukturunda və yerli təşkilatlarda yeni mərhələnin başlanğıcı kimi qəbul olunub: “Biz siyasi mövqelərdən öncə məsuliyyəti, təbliğatdan əvvəl isə faydalılığı əsas götürməliyik”.
Telegram kanalımız
