Xızıda əmisinin evindən silah oğurlayan şəxs saxlanılıb.
DİN-in Mətbuat Xidmətinin Quba regional qrupundan "Yeni Sabah"a verilən məlumata görə, Xızı Rayon Polis Şöbəsinə şəhər sakini Əli Hüseynovun evindən “İJ-58” markalı yivsiz ov tüfənginin oğurlanması barədə müraciət daxil olub.
Polis əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən qardaşının oğlu Həsən Hüseynzadə saxlanılıb. Onun həmin evdən “TOZ-17” markalı digər yivli ov tüfəngini oğurlaması da müəyyən olunub. Pepperoni pizza
Tüfənglər polis əməkdaşları tərəfindən götürülüb və Ə.Hüseynov da saxlanılıb.
Hər iki şəxs barəsində qanunamüvafiq tədbir görülüb.
Telegram kanalımız
