“TikTok”un yeni trendi mütəxəssisləri narahat edib.
Yenisabah.az xəbər verir ki, platformasında yeni arıqlama tendensiyası başlayıb.
Səhər-axşam yulafla hazırlanmış içkini içən istifadəçilər qısa müddətdə çox arıqlayacaqlarını və arıqlama həbləri ilə eyni effekti gördüklərini iddia edirlər. Pepperoni pizza
Dietoloq Emili Haller deyir ki, yulaf faydalı qida olsa da, arıqlama təsiri göstərmir::
"Yulaf yaxşı həll olunan lif mənbəyidir, xüsusilə, beta-qlükan adlı növü qanda xolesterinin səviyyəsini aşağı salır və yeməkdən sonra qanda şəkər artımını azaldır. Ümumiyyətlə, kifayət qədər lif istehlak etmək ürək xəstəliyi və bəzi xərçəng növləri riskini azalda, həm də sağlam və müntəzəm bağırsaq vərdişlərini dəstəkləyə bilər. Yarım fincan yulaf əzməsi təxminən dörd qram lif ehtiva edir.
Liflə zəngin qidaların həzm edilməsi aşağı lifli qidalara nisbətən daha uzun sürür və bağırsaqlarda hərəkəti yavaşlatmaqla daha uzun müddət doyma hissi yaradır”.
Professor Melani Cey deyib ki, yulaf kokteyli ilə arıqlama möcüzəsi yoxdur:
“Əgər insanlar yulaf əzməsi ilə arıqlayırlarsa, buna səbəb, çox güman ki, içkini daha yüksək kalorili yemək üçün əvəzedici kimi istifadə etmələridir. Su və limon suyu ilə qarışdırılmış yulaf balanslı yemək ola bilməz. Bir çox piylənmə xəstəsi müvəqqəti pəhrizlər və yulaf kimi qidalarla arıqlaya bilər. Ancaq çəki tezliklə geri qayıdır, çünki bədən buna daha asta metabolizm və daha çox aclıqla cavab verir”.
Dietoloq Emili Heller “yulaf çılğınlığı”nın başqa bir tendensiya olduğunu söyəyib:
“İçkinin populyarlığı çox güman ki, qısa müddətli olacaq”.
Şeyla Səmiyeva
Telegram kanalımız
