ABŞ-ın dövlət katibi Mayk Pompeo "Arsenal"ın türk əsilli yarımmüdafiəçisi Məsut Özilin Çində uyğurlara edilən haqsızlıqlarla bağlı səsləndirdiyi fikirlərinə görə bu ölkədə ona qoyulan qadağalara münasibət bildirib.
"Yeni Sabah" xəbər verir ki, Ağ ev rəsmisi sözügedən məsələdə futbolçunu dəstəklədiyini vurğulayıb:
"Çin Kommunist Partiyasının təbliğatçı kanalları Özilə, "Arsenal"ın bütün oyunlarına qadağa qoya bilər, amma həqiqət zəfər çalacaq. Kommunist Partiyası uyğurlara və dünyanın digər dini konfessiyalarına qarşı törədilən insan hüquqları pozuntularını gizlədə bilməz". Toyuqlu pizza
Qeyd edək ki, Şərqi Türküstandakı insanlara edilən haqsızlıqlara bağlı "İnstagram" hesabından paylaşım edən Özilin adını yazdığı Çin höküməti ölkədə axtarış sistemlərindən sildirib. Sosial şəbəkələrdə ona məxsus səhifələrin görüntülənməsinə və KİV-də "Arsenal"ın adının çəkilməsinə qadağa qoyulub.
Telegram kanalımız
