Azərbaycanda istehsal olunan avtobusların satışı, habelə təsdiqedici sənəd əsasında istehsal məqsədilə ehtiyat hissələrinin idxalı ƏDV-dən azad ediləcək.
Yenisabah.az apa-ya istinadla xəbər verir ki, bu, Vergi Məcəlləsinə təklif edilən dəyişikliklərdə əksini tapıb.
Layihəyə əsasən, bu qayda 2025-ci il yanvarın 1-dən 8 il müddətinə tətbiq olunacaq. Sezar pizza
Vergi Məcəlləsinin 164.1.41-3-cü maddəsinin qüvvədə olan redaksiyasına əsasən, Azərbaycan ərazisində istehsal olunan minik avtomobillərinin satışı 2023-cü il mayın 1-dən 10 il müddətinə ƏDV-dən azad edilib.
Avtomobil sənayesinə investisiya cəlbinin stimullaşdırılması məqsədilə müvafiq azadolmanın ölkə ərazisində avtobus istehsalına da şamil olunması təklif olunur.
Qanun layihəsi səsverməyə çıxarılaraq birinci oxunuşda qəbul edilib.
Telegram kanalımız
