“Ümumiyyətlə, bu il iyun ayında ölkə ərazisində, xüsusən də Bakıda və Abşeron yarımadasında istilər bir qədər tez başladı. Ölkə ərazisinə cənubdan hava kütlələrinin daxil olması nəticəsində isti hava şəraiti müşahidə olunur”.
Bu sözləri “Yeni Sabah”a açıqlamasında Milli Hidrometeorologiya Departamentinin baş hidroloqu Asif Verdiyev deyib. Onun sözlərinə görə, bu cür isti hava şəraiti qonşu ölkə ərazisində də müşahidə olunmaqdadır:
“Cənubdan isti hava axınlarının ölkə ərazisinə daxil olması ilə əlaqədar nisbətən isti hava müşahidə edilir. Qeyd edim ki, bu gün ölkə ərazisində nisbətən küləkli hava şəraiti müşahidə olunacaq. Şimal-qərb küləyi arabir güclənəcək. Havanın temperaturu gündüz saatlarında 27-32 dərəcə təşkil edəcək. Sezar pizza
Ayın 8-də də gecə və səhər küləkli hava şəraiti müşahidə olunacaq, lakin ayın 8-i gündüzdən başlayaraq axşama doğru külək mülayimləşəcək. Temperatur günorta saatlarında 26-32 dərəcə təşkil edəcək”.
A.Verdiyev bildirib ki, bu ay ölkə ərazisində havanın temperaturunun iqlim normasından yüksək olacağı gözlənilir:
“Ancaq qarşıda iyul, avqust ayları da var. Bu aylarda ən isti hava şəraiti müşahidə olunur. İyul, avqustda da ayrı-ayrı günlərdə istilər istisna olunmur.
Ən yüksək temperatur iyul-avqustda müşahidə olunur. İndidən ən yüksək temperaturun nə qədər olacağını deyərək tələsməzdim. Əlbəttə, kəskin istilər gözlənilərsə, biz tərəfdən əhaliyə müvafiq xəbərdarlıqlar olunacaq”, deyə hidroloq əlavə edib.
Əsmər Qabil
Telegram kanalımız
