Ötən gün İrəvandan Xankəndiyə göndərilən 400 tonluq "humanitar yük" hələ də Laçın nəzarət-buraxılış məntəqəsindədir.
Yenisabah.az xəbər verir ki, bu barədə “Past” məlumat yayıb.
Erməni nəşri yazır ki, dünən axşam saatlarından etibarən Rusiya sülhməramlı kontingentinin komandanlığı ilə azərbaycanlı hərbçilər arasında yüklərin Xankəndiyə buraxılması ilə bağlı danışıqlar baş tutsa da, heç bir nəticə əldə edilməyib. Dominos pizza
“Azərbaycan tərəfi yüklərin yalnız Ağdam-Xankəndi yolu ilə keçə biləcəyini bildirir. Hazırda sərhəddə 400 tonluq yük qalmaqdadır. Əgər bu yüklər vaxtında Qarabağa çatdırılmasa, onların xarab olmaq təhlükəsi də mövcuddur”, - deyə qəzet bildirib.
Xatırladaq ki, yerli media sərhəddə ermənilər tərəfindən təxribatın törədiləcəyini istisna etmir.
Telegram kanalımız
