“Azərbaycanda islahatlar aparılır, prezident müəyyən işlər görür. Mən hələ görməmişəm ki, siz çıxışlarınızda bu barədə bir söz deyəsiniz”.
Bunu Milli Məclisin bu gün keçirilən plenar iclasında parlamentin sədri Oqtay Əsədov deputat Fazil Mustafanın çıxışına münasibət bildirərkən söyləyib.
“Harada bir çatışmazlıq var, onu deməyə başlayırsınız. Azərbaycanı Tacikistanla müqayisə edirsiz. Xahiş edirəm bu məsələləri çox şişirtməyin. 7 dəqiqə danışdınız, Azərbaycanda gedən işlər barədə bir dənə müsbət söz söyləmədiniz. Hamısı mənfi məsələlər oldu”, - deyə O.Əsədov əlavə edib. (Unikal.org) Sezar pizza
Xatırladaq ki, ölkə prezidenti ilə mədəniyyət xadimlərinin görüşündə problemləri dilə gətirənlərə qarşı Zeynəb Xanlarovanın da reaksiyası təxminən eyni olmuşdu. O da həmkarlarına müraciət edərək problemlərdən danışmamağı məsləhət görmüşdü. “Gözəlliklərdən danışın” deyə məsləhət vermişdi.
Telegram kanalımız
