FİFA təyyarə qəzasında ölən futbolçu Emiliano Sala ilə bağlı qərarını açıqlayıb.
“Yeni Sabah” xəbər verir ki, qərara əsasən Uelsin “Kardiff Siti” klubu argentinalı oyunçunun transferi üçün Fransa təmsilçisi “Nant”a 6 milyon avro ödəyəcək.
“Kardiff Siti” Salanın transfer məbləğini üç dəfəyə ödəməyə və bu ilin fevralında 5 milyon funt-sterlinq verməyə razı olsa da, rəhbərlik sonradan fikrini dəyişib. Bundan sonra “Nant” “Kardiff Siti”dən FİFA-ya şikayət edib. Dördpendirli pizza
Sala “Nant”dan “Kardiff Siti”yə 15 milyon funt-sterlinqə transfer edilmişdi. O, müqavilə imzaladıqdan sonra yarımçıq qalan işlərini həll etmək üçün Nant şəhərinə qayıtmışdı. Lakin yanvarın 21-də onun da içində olduğu təyyarə La-Manş boğazında radardan itmişdi. Daha sonra Salanın cəsədi qəzaya uğrayan təyyarənin dağıntıları arasında tapılıb.
Telegram kanalımız
