Fransızların ətir sirri: Ətiri günboyu qalıcı etməyin yolları məlum oldu

Fransızların ətir sirri: Ətiri günboyu qalıcı etməyin yolları məlum oldu

Sağlamlıq Veb saytların hazırlanması

28 Mart 2023 13:51 4518


Ətirdən istifadə edənlər qoxunun daha qalıcı etməsi mümkündür. Bəs bunu necə edə bilərik? Qoxunun erkən uçmasının qarşısını almaq mümükündürmü?

Yenisabah.az ətirin qalıcılığının artırılmasının yollarını təqdim edir:

 

“Eau De Parfum” / “Eau de Toilette”?

Söhbətə indi çoxlarına məlum olan bir mövzudan danışaraq başlayaq. Daha qalıcı qoxu istəyirsinizsə, düzgün formula sahib ətirlər almalısınız. "Eau De Parfum" (EDP) daha yüksək mahiyyət nisbətinə malikdir, "Eau de Toilette" (EDT) ilə müqayisədə qoxu daha tünddür. Bu ətirlər dəridə daha uzun müddət qalacaq.

 

Ətri nəm dəriyə tətbiq edin

Duş qəbul etdikdən sonra sonra bədənin məsamələri açılır. Bundan sonra ətir vurmaq nəm bədənə nüfuz edir. Bu halda qoxu bədənə daha asan hopur və daha uzun müddət qalır.

 

Vazelin vurmaq

Ətir vuracağınız yerə az miqdarda vazelin sürtmək ətir üçün baza rolunu oynayır və onun buxarlanmasının qarşısını alır.

 

Düzgün nöqtələrə vurun

Ətir vurmaq üçün ən doğru bədən hissəsi nəbzin vurduğu yerlər ola bilər. Bədənimizin digər hissələrinə nisbətən isti və dövri aralıqlarla vuran bu bölgələr qoxunun daha yaxşı yayılmasına səbəb olur. Boyun, bilək, qulaq arxası, dirsək içi və hətta diz qapağımızın arxası ətir vurmaq üçün münasib yerlərdir.

Bədənin ən isti hissələri biləklər, boyun və daxili dirsəklərdir.

 

Biləkləri bir-birinə sürtmək olmaz!

Məşhur inancın əksinə olaraq, biləkləri bir-birinə sürtmək qoxunun qalıcılığını azaldır. Bir çox insanın tez-tez etdiyi bu hərəkət ətir formulunun pisləşməsinə və üst notların üzə çıxmadan yox olmasına səbəb olur. 

 

Ətiri düzgün saxlamaq

İstilik və rütubət ətirin buxarlanmasına və formulunun pisləşməsinə səbəb ola bilər. Parfümlərinizi günəş işığına məruz qalacaq yerlərdə və ya hamamda saxlamaq sizin üçün yaxşı seçim olmayacaq.

 

Darağa ətir vurmaq

Ətrin qalıcı olması üçün darağa ətir vurmaq lazımdır. Parfümü birbaşa saça vurmaq saçın zədələnməsinə səbəb olacaq. Buna görə darağa ətir vurduqdan sonra saçları daramaq həm zədələnmənin qarşısını alır, həm də saçınızdan ətir iyi gəlir.

Əsmətxanım


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!