Bu gün Həştərxanda Azərbaycanın Ümummilli lideri Heydər Əliyevin xatirəsi ehtiramla yad edilib.
"Yeni Sabah" xəbər verir ki, bu gün səhər Ümummilli lider Heydər Əliyevin adını daşıyan parkdakı abidəyə çiçək qoyma mərasimi keçirilib.
Həştərxan vilayətinin qubernatoru İqor Babuşkinin tapşırığı ilə tədbirdə Həştərxan vilayəti hökumətinin sədr müavini Mixail Boqomolov və digər rəsmi şəxslər iştirak ediblər. pizza sifarişi
Tədbirdə qeyd edilib ki, Azərbaycan Həştərxan bölgəsi üçün Xəzər regionundakı əsas tərəfdaşlardan biridir. Uzun illər ərzində iqtisadi və sosial-mədəni sahələrdə çoxşaxəli qarşılıqlı əlaqələr inkişaf edir və güclənir.
Heydər Əliyev Fondunun fəal iştirakı ilə Həştərxanda bir sıra mühüm sosial-iqtisadi və humanitar layihələr həyata keçirilib. Bu, Həştərxanla Azərbaycan arasında hərtərəfli əlaqələrin daha da genişləndirilməsinə yönəlmiş sıx qarşılıqlı əlaqələri təsdiqləyir və Heydər Əliyev təşəbbüslərinin davamıdır.
Telegram kanalımız
