“İdman TV“nin şərhçisi Türkiyədə gündəm oldu  - Video

“İdman TV“nin şərhçisi Türkiyədə gündəm oldu - Video

İdman Veb saytların hazırlanması

15 Oktyabr 2019 16:18 2115


Türkiyə millisi ötən axşam "AVRO-2020"nin seçmə mərhələsində növbəti oyununu keçirib.

"Yeni Sabah" xəbər verir ki, qardaş ölkə millisi səfərdə Fransa ilə qarşılaşıb. Hamı bu oyunda meydan sahiblərinin asan qələbə qazanacağını proqnozlaşdırsa da, "ay-ulduzlular" çətin səfər oyunundan bir xalla qayıda bilib.

Hesabı 76-cı dəqiqədə meydan sahiblərindən Oliver Jiru açıb. 82-ci dəqiqədə isə Türkiyə millisindən Kaan Ayhan bərabərliyi təmin edib - 1:1.

Hesab bərabərləşən zaman "İdman TV"də oyunun şərh edən Ramiz Mirzəzadənin qol sevinci Türkiyə mediasının da diqqətindən yayınmayıb. "Fanatik.com" saytı həmin epizodun videosunu "Kaan Ayhanın qolunu bir də belə izləyin! Azərbaycanlı şərhçi çıldırdı..." başlığı ilə yayımlayıb. 

Qeyd edək ki, Türkiyə və Fransa milliləri 8 turdan sonra 19 xal toplayıb. Türklər top fərqinə görə ilk pillədə qərarlaşıb. /Offsideplus.az


Telegram kanalımız
Bizi Telegram-da oxuyun. Azərbaycanın və dünyanın ən vacib xəbərləri
Şahidi olduğunuz hadisələri çəkib bizə göndərin!