İspaniyanın "Albasete" klubundan Azərbaycan milli komandasına dəvət olunmuş Eddi İsrafilov Avro-2020-nin seçmə mərhələsi çərçivəsində noyabrın 16-da Bakıda keçiriləcək Azərbaycan - Uels oyununda iştirak edə bilməyəcək.
“Yeni Sabah” xəbər verir ki, futbolçunun milliyə dəvət olunması barədə prosedura uyğun qaydada "Albasete" klubuna göndərilmiş müraciət məktubu ilə bağlı texniki problem yarandığı üçün klub futbolçunun noyabrın 17-dən etibarən Azərbaycan milli komandasının düşərgəsinə qoşula biləcəyini bildirib.
27 yaşlı yarımmüdafiəçinin əvəzinə "Zirə" klubundan Elvin Camalov çağırılıb. Sezar pizza
Məsələ ilə bağlı AFFA tərəfindən FIFA-ya müvafiq qaydada məlumat verilib.
E.İsrafilov millimizin noyabrın 19-da səfərdə Slovakiya yığmasına qarşı keçirəcəyi oyun üçün təşkil olunacaq təlim-məşq toplanışında iştirak edəcək.
Telegram kanalımız
