“Hər dəfə Rusiya ilə münasibətlər soyuyanda, natamamlıq kompleksi olan adamlar bu məsələni qaldırır. Onlar Bakıda təhsil ocaqlarının bağlanmasını istəyir. Mən Bakıda bir əsr ərzində formalaşmış təhsil ocağının əleyhinə olacağam və etirazımı bildirəcəyəm. Hansı xəstəxanalar daha keyfiyyətlidir? Ödənişli, yoxsa pulsuz? Əlbəttə, ödənişli. Rus dili 6 dünya dilindən biridir. Rus sektoru Azərbaycan dilli məktəblərə nisbətən çox gözəl təhsil verir. Niyə görə dövlət tərəfindən maliyyələşdirilməməlidir?!”
Yenisabah.az xəbər verir ki, bu sözləri TV Musavat-a müsahibəsində kinorejissor Ayaz Salayev deyib.
O bildirib ki, rusdilli məktəblər ölkə təhsilinin inkişafında böyük rol oynayır: Pepperoni pizza
“Bütün fənlərin rus dilində tədris olunduğu məktəblər qalmalıdır və həmin məktəblərdə yüksək səviyyədə Azərbaycan dili keçirilməlidir. Çünki ölkəyə savadlı, düşüncəli adamlar lazımdır. Bir dil bilən adamın səviyyəsi yoxdur. Əgər adamın beyninə öz doğma dili səviyyəsində hansısa ikincii dil sığışmırsa, onun düşüncə imkanları məhduddur. Mən Azərbaycan məktəblərinin əleyhinə deyiləm. Bu, mütləq olmalıdır! Azərbaycan dili dövlət dilidir. Amma rus məktəbləri çox böyük iş görür”.
Ayaz Salayev diqqəti rusdilli jurnalistlərin və gənclərin 44 günlük Vətən müharibəsindəki aktiv fəaliyyətinə çəkib:
“Rus məktəbləri Azərbaycanda milli şüura heç bir zərbə vurmur. Əksinə, mən o məktəbləri çox yaxşı tanıyıram. Orada oxuyan uşaqlar çox vətənpərvər və səviyyəlidir. Sovet vaxtı bütün millətçi ideyalar rus məktəblərindən çıxırdı. Rus məktəblərinin ənənəsi var və bu bir əsrdən çoxdur ki, formalaşıb. İndi isə onları söküb-dağıtmaq istəyirik.
44 günlük müharibədə kim-kimdən xahiş edirdi ki, sosial şəbəkədə aktiv olsun? Bu yadınızdan çıxıb? Mən özünü doğruldan təhsil sistemindən danışıram. Əksini deyənlər kimlərdir? Onlar hansı ziyalılardır? Mən də rus dilində ünsiyyət quran insanlardan biriyəm. Zərər gətirmişəm bu ölkəyə?! Narazısınız məndən? İnsanlar türkdilli seriallara baxır və bu, bizim dili “udur”.
Mən ruspərəst deyiləm. Türk dili Azərbaycan dilini ciddi şəkildə zədələyir. Hətta özümə düşmən bildiyim adam belə son çıxışımdan sonra yaxınlaşıb bu mövzuda mənə minnətdarlığını bildirib. Tənqidi münasibət bildirən adamlarsa, məni sadəcə maraqlandırmır”.
Nazim Hacıyev
Telegram kanalımız
