“Meqa Sığorta” şirkətinin sığorta haqları ötən ay 1,2 milyon manata yaxın azalıb.
“Yeni Sabah” bu barədə Azərbaycan Mərkəzi Bankına istinadən xəbər verir.
Məlumata görə, sığorta şirkəti bu ilin yanvar ayında 2 milyon 913 min manat sığorta yığımı əldə edib. Bu isə ötən ilin eyni dövrünə nisbətən 28,5% və ya 1 milyon 159 min manat azdır. Dördpendirli pizza
2024-cü ilin yanvar ayında isə “Meqa Sığorta” 4 milyon 72 min manat sığorta haqqı toplaya bilmişdi. Sığorta şirkəti yığımların həcminə görə qeyri-həyat sığortaçıları arasında 4-cü olub.
Sığorta şirkəti ötən ay 1 milyon 174 min manat ödəniş həyata keçirib ki, bu də ötən ilin eyni dövrünə nisbətən 33,1% çoxdur. 2024-cü ilin yanvar ayında “Meqa Sığorta” 882 min manat sığorta ödənişini həyata keçirmişdi.
Nəticədə “Meqa Sığorta”nın zərərliliyi (ödəniş-yığım nisbəti) 22%-dən 40%-ə yüksəlib.
Xatırladaq ki, “Meqa Sığorta” 1998-ci ildən fəaliyyət göstərən BE&G sığorta şirkətinin bazasında 2010-cu ildə yaradılıb. Onun nizamnamə kapitalı 23 milyon manatdır.
Telegram kanalımız
