Lionel Messi həyatında gördüyü ən yaxşı futbolçunun adını açıqlayıb.
Yenisabah.az xəbər verir ki, 39 yaşlı hücumçu əfsanəvi oyunçu braziliyalı sabiq forvard Ronaldonu fərqləndirib:
“Ronaldo fenomen idi. Gördüyüm bütün futbolçular arasında Ronaldo mənim üçün ən yaxşısı idi. Ona necə baxmağınızdan asılı olmayaraq, heyrətamiz oyunçudur". pizza sifarişi
Xatırladaq ki, braziliyalı Ronaldo inanılmaz sürəti, texnikası ilə tanınırdı. O, karyerasına “Kruzeyro”da başlayıb, daha sonra PSV, “Barselona”, “İnter”, “Real” və “Milan”da çıxış edib.
Ronaldo 2 dəfə “Qızıl top”u (1997, 2002) və 2 dəfə də dünya kubokunu (1994, 2002) qazanıb. 2002-ci ildə o, turnirin bombardiri olub. Ronaldo karyerası ərzində Amerika kubokunu və Konfederasiyalar kubokunu da qazanıb. Forvard karyerasını 2011-ci ildə başa vurub.
Telegram kanalımız
