“Neftçi” futbol üzrə Azərbaycan kubokunda antirekorda imza atıb.
"Yeni Sabah" xəbər verir ki, "ağ-qaralar" 2019/20 mövsümünü qol vurmadan tərk edib.
Yarışa 1/4 finaldan başlayan Bakı təmsilçisi doğma meydanında 0:1 hesabı ilə uduzduğu “Sumqayıt”a səfərdə də qol vura bilməyib – 0:0. Bu, 1992-ci ildən keçirilən yarışın daimi iştirakçısının tarixində ilk belə hadisədir. İndiyədək antirekord ötən mövsümün nəticəsi idi. pizza
Həmin vaxt bakılılar indiki kimi 2 oyun keçirsələr də, cəmi 1 qol vurmuşdular. Onda da 1/4 finaldan yarışa başlayan “Neftçi”nin rəqibi “Sumqayıt” idi – 0:2, 1:0.
Qeyd edək ki, paytaxt təmsilçisinin kubokdakı rekordu 27 qol vurduğu 1994/95 mövsümüdür. Həmin vaxt komanda 9 oyun keçirib.
Telegram kanalımız
