Ermənistanın Baş naziri Nikol Paşinyan Qarabağda yaşayan ermənilərə müraciət edib.
Yenisabah.az “Armenpress”ə istinadla xəbər verir ki, Baş nazir Paşinyan hökumətin iclasında azərbaycanlı QHT nümayəndələrinin və ekofəalların Laçın yolunda keçirdiyi aksiyadan danışıb. O bildirib ki, Qarabağ erməniləri Laçın yolu ətrafında baş verən hadisələrə təmkinlə yanaşmalı, prosesləri təhlil etməlidir.
Bundan əlavə, Paşinyan Qarabağ ermənilərini, xüsusilə də separatçıları vəziyyəti gərginləşdirməkdən çəkinməyə çağırıb. O, eyni zamanda Azərbaycanla dialoqun vacib olduğunu vurğulayıb. Dördpendirli pizza
“Məncə, bu məsələdə də “Qarabağ xalqı və hökumətinin” reaksiyası asimmetrik olmalıdır. Bu nə deməkdir? İlk növbədə, son illərin inkişafı, onların dərin mənaları və səbəbləri ilə qarşılaşmaq lazımdır ki, hadisələrə və situasiyalara verdiyimiz qiymətlər faktlara əsaslansın. Bu baxımdan, ilk növbədə, vəziyyəti daha da çıxılmaz duruma salan siyasi bəyanatlardan çəkinməliyik, çünki son nöqtəyə çatmaq üçün aydın ideyalarla müşayiət olunmayan bəyanatların heç bir faydası yoxdur”.
O əlavə edib ki, Azərbaycanla Qarabağ arasında siyasi söhbət daha sonra başlamalıdır.
“Və Qarabağdakı tərəfdaşlarımız heç kimin onları konstruktiv söhbəti pozmaqda və ya belə bir söhbəti qeyri-mümkün etməkdə ittiham etməyə imkan verməməlidirlər”, - ER baş naziri yekunlaşdırıb.
Qeyd edək ki, Azərbaycanın Qarabağ iqtisadi rayonunda faydalı yataqların qanunsuz istismarı əleyhinə Xankəndi-Laçın yolunda keçirilən etiraz aksiyasının bir ayı tamam olur. Dekabrın 12-də səhər saatlarından başlayan aksiyanın artıq otuz ikinci günüdür.
Telegram kanalımız
