Bu gün Avropa Liqasında qrup mərhələsinə yekun vurulub.
"Yeni Sabah" xəbər verir ki, təmsilçimiz “Qarabağ” da qrupda oyuna çıxıb. Bu Ağdam klubunun bu mövsüm turnirdəki son oyunu olub.
"Qarabağ" Bakıda, Tofiq Bəhramov adına Respublika Stadionunda “Düdelanj”ı (Lüksemburq) qəbul edib. Hər iki komanda pley-offa vəsiqə şansını itirdiyinə görə, bu qarşılaşma formal xarakter daşıyıb.
"Ağ-göylər" Lüksemburqdakı matçda rəqibini 4:1 hesabı ilə məğlub etmişdi. "Qarabağ" bu dəfə də üç xal qazanmaqla turniri qələbə ilə başa vurmaq və ölkənin reytinq xalını artırmaq istəsə də, ikinci hissənin əvvəlində Qara Qarayevin komandanı azlıqda qoyması bütün planları pozub. Bu azmış kimi "Qarabağ" 63-cü dəqiqədə qapısında qol görüb. Matçın sonuna qədər azlıqda qalsa da, tarazlığı bərpa etməyə çalışan təmsilçimiz son dəqiqələrdə buna nail olub. Maqaye Qeye "Qarabağ"ı məğlubiyyətdən xilas edib. pizza
A qrupunun digər oyununda isə pley-offa vəsiqəni təmin edən APOEL və "Sevilya" üz-üzə gəlib. Matç kiprlilərin minimal üstünlüyü ilə başa çatıb.
12 dekabr
UEFA Avropa Liqası
Qrup mərhələsi
6-cı tur
A qrupu
21:55. “Qarabağ” (Azərbaycan) – “Düdelanj” (Lüksemburq) - 1:1
Qol: M.Qeye, 90+1 - S.Buqren, 63
Baş hakim: Kristo Tohver (Estoniya)
Bakı.Tofiq Bəhramov adına Respublika Stadionu
21:55. APOEL (Kipr) – “Sevilya” (İspaniya) - 1:0
Qol: V.Saviç, 61
Telegram kanalımız
