“Düdelanj”ın kapitanı Conatan Juber Avropa Liqasının qrup mərhələsinin 2-ci turunda “Qarabağ”la qarşılaşacaqları oyundan əvvəl iddialı fikirlər səsləndirib.
“Yeni Sabah” Lüksemburq mətbuatına istinadən xəbər verir ki, 40 yaşlı qapıçı azarkeşlərini yenidən sevindirmək istədiklərini söyləyib:
"Avropa Liqasına uğurla başladıq. "Qarabağ"a qarşı da eyni tempdə oynamağı ümid edirik. Hamımız bir nəticə barədə düşünürük. "Rosport" üzərində qələbə bizə özünəinamı yenidən qaytardı. Düzdür, bunlar fərqli yarışlardır. "Rosport"u məğlub etməyimiz o demək deyil ki, bizdə arxayınlıq yaranıb. Xeyr. "Qarabağ"la matçda azarkeşlərimizi yenidən təəccübləndirmək istəyirik. "Qarabağ"ın neçə illik Avroliqa təcrübəsi var. Amma biz də öz gücümüzə inanırıq". Toyuqlu pizza
Qeyd edək ki, "Jozi Bartel" stadionunda keçiriləcək "Düdelanj" - "Qarabağ" matçı Bakı vaxtı ilə 23:00-da start götürəcək.
Telegram kanalımız
