"Qarabağ"ın zədəli futbolçusu Qara Qarayevin durumuna aydınlıq gəlib.
Yenisabah.az xəbər verir ki, bu barədə Qol.az saytına açıqlamasında klubun mətbuat xidmətinin rəhbəri Gündüz Abbaszadə məlumat verib. O, bildirib ki, 29 yaşlı yarımmüdafiəçinin əzələsində 1-ci dərəcəli dartılma aşkarlanıb və futbolçu Çempionlar Liqasının 2-ci təsnifat mərhələsində "Sürix"lə ilk oyunda meydana çıxmayacaq:
"Qara Qarayev bu gün MRT müayinəsindən keçdi. Onda 1-ci dərəcəli əzələ dartılması aşkarlanıb. Yaxın bir neçə gün ərzində bərpa prosesi keçəcək. Bundan sonra tam şəkildə deyil, tədricən komanda ilə məşqlərə başlayacaq. "Sürix"lə ilk matçı buraxacaq". pizza mizza
Qara Qarayev Çempionlar Liqasının 1-ci təsnifat mərhələsində "Lex"lə cavab oyununda da (5:1) iştirak etməmişdi.
Qeyd edək ki, "Qarabağ"la "Sürix" arasında ilk matç iyulun 19-da Tofiq Bəhramov adına Respublika Stadionunda keçiriləcək. Cavab oyunu isə iyulun 27-si İsveçrədə olacaq.
Telegram kanalımız
