Qrenlandiyanın Baş naziri Yens-Frederik Nilsen Danimarka Arktika adasının hakimiyyətinə və sakinlərinə mümkün Amerika hərbi işğalına hazırlıq görməyə başlamağı tapşırdığını bildirib.
"Yeni Sabah" Bloomberg-ə istinadla xəbər verir ki, insanlara mümkün qarışıqlıqlara hazırlaşmaqda kömək etmək üçün ada hökuməti bütün yerli hakimiyyət orqanlarının nümayəndələrindən ibarət işçi qrupu yaradılır.
Qrenlandiya hökuməti ictimaiyyətə zəruri tədbirlər barədə tövsiyələr paylamağa hazırlaşır, o cümlədən evdə 5 günlük ərzaq ehtiyatı yaratmağı təklif edir. pizza sifarişi
Bundan əvvəl Danimarka parlamentinin müdafiə komitəsinin üzvü Rasmus Yarlov bildirib ki, ABŞ prezidenti Donald Tramp Qrenlandiyanı işğal edərsə, "bu, müharibə olacaq və bir-birimizlə vuruşacağıq".
O deyib: "Bilirik ki, amerikalılar bizdən güclüdür, amma torpaqlarımızı və xalqımızı müdafiə etmək bizim borcumuzdur".
Danimarkanın Baş naziri Mette Frederiksen daha əvvəl Trampın Danimarka ərazisini nəzarətə götürmək niyyəti ilə bağlı dəfələrlə verdiyi açıqlamalara baxmayaraq, krallığın Qrenlandiyanı təslim etməyəcəyini bildirmişdi.
Telegram kanalımız
