"Təəssüf edirəm ki, kifayət qədər uzun müddət Minsk qrupunun həmsədri olan ölkə (Fransa - red.) prezidenti belə bəyanatlar verir".
Yenisabah.az xəbər verir ki, bunu Rusiyanın Ermənistandakı fövqəladə və səlahiyyətli səfiri Sergey Kopırkin deyib.
O bildirib: “Fransa Rusiyanın qarşıya qoyduğu məqsədləri və ümumiyyətlə, bütün nizamlanma prosesinin mexanizmini, Rusiyanın bu sahədə necə işlədiyini yaxşı başa düşməlidir. Ona görə də mənim üçün bu bəyanatlar daha çox fürsətçi xarakter daşıyır və Rusiyanın etdikləri ilə deyil, Qərbin Rusiyaya tətbiq etdiyi qarşıdurma ilə bağlıdır”. Dominos pizza
Səfirin fikrincə, bu, sadəcə onu göstərir ki, onlar Cənubi Qafqaz regionunu da əvvəllər belə olmayan geosiyasi qarşıdurma meydanına çevirməyə çalışırlar. "Bu narahatlıq doğurur".
S. Kopırkin qeyd edib: “Biz ABŞ dövlət katibinin müavininin Ermənistan-Azərbaycan münasibətlərinin normallaşmasının daha sürətlə getməli olduğu məntiqini birbaşa formalaşdıran bəyanatını görürük: "çünki ruslar və iranlılar fəallaşır". Məntiq başa düşüləndir, amma mənim aləmimdə bu, çirkindir və regionun maraqlarına xidmət etmir. Bu, bölgədə Rusiya ilə geosiyasi döyüş təşkil etmək cəhdidir: istənilən addımlar, o cümlədən Aİ missiyasını göndərmək və Rusiya Federasiyasını nəyisə edə bilməməkdə və ya nəyisə etmək istəməməkdə ittiham etmək.
Nəzərə alsaq ki, Rusiya maraqların uzlaşdırılmasına, mövcud vəziyyətdən çıxış yolu tapmağa və hər iki tərəf üçün məqbul həll yolları axtarmağa çalışır, bu iş ictimai xarakter daşıya bilməz. Çünki yeganə alternativ müharibədir. Mənim üçün anti-Rusiya təbliğat kampaniyası regionu geosiyasi qarşıdurma meydanına çevirməyə çalışdıqlarına işarədir".
"Makronun Rusiyanın yeni müstəmləkəçilik istəkləri ilə bağlı açıqlamasına gəlincə, bunu müstəmləkəçilik keçmişi ilə çox məşhur olan və hazırda açıq şəkildə neokololonial siyasət yürüdən dövlətlər qrupuna daxil olan bir ölkənin liderinin dilindən eşitmək də çox maraqlıdır", - deyə Kopirkin əlavə edib.
Səfir vurğulayıb ki, Rusiya ordusu və bölgədə sərhəd mövcudluğu vəziyyətin sabitliyinin qorunmasında və daha böyük gərginliyin qarşısının alınmasında əsas amil olaraq qalır:
“Biz sülhməramlı kontingentimizə qarşı tənqidi hücumları eşidirik, lakin bu, bütün mövcud problemlərlə regionun həyatına həqiqətən töhfə verən qüvvədir. Bu, regionun özünün erməni əhalisinin təhlükəsizliyinin təmin edilməsində həlledici amildir. Tənqidlər və günahı Rusiya və Rusiya kontingentinin üzərinə atmaq cəhdi real vəziyyətlə tam ziddiyyət təşkil edir”.
S. Köpırkinin sözlərinə görə, Ukraynada keçirilən xüsusi əməliyyat Cənubi Qafqaz üçün çox vacibdir və bu, getdikcə özünü büruzə verir. “Ukraynada ruslara məxsus hər şey məhv edildi. Hesab edirəm ki, bu, həm də erməni xalqı üçün həssas məsələdir, erməni azlığının hüquqları məsələsidir. Bu, çox həssas məsələdir və Rusiya üçün həlledici məsələdir. Ukrayna çox yaxın, doğma ölkədir”.
Telegram kanalımız
