Ukrayna kəşfiyyat strukturlarının birgə əməliyyatı nəticəsində Novorissiysk limanında Rusiya Hərbi Dəniz Donanmasına aid sualtı qayıq partladılıb.
"Yeni Sabah" xəbər verir ki, bunu jurnalist, siyasi şərhçi Şahin Cəfərli sosial şəbəkə hesabında paylaşıb.
"636.3 "Varşavyanka" layihəli dizel-elektrik mühərrikli sualtı qayıq "Sub Sea Baby" sualtı dronu ilə vurulub. Bu, tarixdə ilk belə hadisədir. pizza hut
Bu layihəyə sovet dövründə, 1970-ci illərdə başlanıb və əsasən Varşava Müqaviləsi Təşkilatı ölkələrinə göndərmək üçün nəzərdə tutulduğundan "Varşavyanka" adı verilib. Eni 10 metr, uzunluğu 74 metr olan bu tip sualtı qayıqlar 300 metrə qədər dərinlikdə 45 sutka avtonom hərəkət edə bilir. İçərisində "Kalibr" qanadlı raketləri üçün 4 buraxıcı qurğu var. Bundan başqa, sualtı qayıq torpedolar və minalarla silahlanıb" - Şahin Cəfərli bildirib.
Siyasi şərhçi əlavə edib ki, Ukrayna ordusu bundan əvvəl daha bir "Varşavyanka" tipli sualtı qayığı məhv edib. 2024-cü ilin avqustunda Sevastopol buxtasında təmirə dayanmış "Rostov-na-Donu" adlı gəmi raket zərbələri ilə batırılıb.
Telegram kanalımız
