İmişlidə avtomobil yolun üzərində uzanmış şəxsi vuraraq öldürüb.
Yenisabah.az xəbər verir ki, hadisə martın 17-si saat 23 radələrində İmişli-Boşçallar-Sarıxanlı avtomobil yolunun Sarıxanlı kəndi ərazisindən keçən hissəsində qeydə alınıb.
1956-cı il təvəllüdlü Ziyadxan Murtuzayev idarə etdiyi “VAZ-2106” markalı avtomobillə asfalt üzərində uzanmış vəziyyətdə olan Boşçallar kənd sakini, 1973-cü il təvəllüdlü Fərman Xasayevi görməyib və avtomobillə onun üzərindən keçib. Z.Murtuzayev hadisə yerindən qaçıb. Marqarita pizza
İmişli Rayon Polis Şöbəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma) və 264-cü (Yol nəqliyyat hadisəsi yerindən qaçma) maddələri ilə cinayət işi başlanaraq istintaq aparılır.
İstintaq zamanı Z.Murtuzayev şübhəli şəxs qismində tutulub.
Telegram kanalımız
