“Narmeen” səhnə adı altında çıxış edən gənc müğənni Nərmin Behbudovanın yeni klipi qalmaqala səbəb olub.
“Yeni Sabah” xəbər verir ki, “YouTube” videohostinqi Nərminin açıq-saçıq ekran işinə senzura tətbiq edib. İfaçı Oxu.az-a açıqlamasında məsələyə belə aydınlıq gətirib:
“Sirr” klipimə yaş həddi qoyan “YouTube”un nümayəndələri ilə 10 gün ərzində yazışdım. Klipdə açıq-saçıq səhnələr olduğu üçün ona “18+” senzurası tətbiq edilib. pizza hut
Müğənni bildirib ki, “YouTube” nümayəndələrinə müraciətlərində onlardan klipi bir neçə dəfə nəzərdən keçirməyi və digər videolarla müqayisə etməyi xahiş etsə də, onlar fikirlərindən dönməyiblər.
“O vaxt nə edəcəyimizi bilmirdik, amma klipi yenidən montaj etməyi fikirləşdik. Yeni görüntülər çəkdik və əsas səhnələrdən birini dəyişdirdik, sonra videonu yenidən şəbəkəyə yüklədik”, – Nərmin qeyd edib.
Qeyd edək ki, vokal ifaçısı Nərmin Behbudova “Səs Azərbaycan” musiqi layihəsinin ən parlaq iştirakçılarından biri olub.
Telegram kanalımız
