İran və ABŞ yaxın günlərdə birbaşa danışıqları bərpa edəcəklər.
"Yeni Sabah" Təsnim-ə istinadla xəbər verir ki, bunu diplomatik mənbə bildirib.
Danışıqlara İran xarici işlər naziri Abbas Əraqçi və ABŞ Prezidentinin xüsusi elçisi Stiv Uitkoff rəhbərlik edəcək. Lakin məsləhətləşmələrin dəqiq vaxtı və yeri hələ razılaşdırılmayıb. Sezar pizza
Görüş gələn həftənin əvvəlində Ankarada baş tuta bilər.
ABŞ administrasiyası Tehrandan, digər məsələlərlə yanaşı, nüvə proqramından imtina etməsini və raket proqramını məhdudlaşdırmasını tələb edir. Lakin ikinci tələb danışıqlar mövzusu olmaya bilər.
Eyni zamanda, "Fars News" İran prezidenti Məsud Pezeşkianın Tehran və ABŞ arasında yeni danışıqlar raunduna icazə verdiyini digər mənbəyə istinadla təsdiqləyib.
Mənbə vurğulayıb ki, danışıqlar yalnız Tehranın nüvə proqramına yönələcək.
Fars xatırladır ki, İran və ABŞ arasında beş danışıqlar raundu keçirilib. Altıncı raund hələ baş tutmayıb, çünki İsrail, daha sonra isə ABŞ 2025-ci ilin iyun ayında İrana qarşı hava hücumları təşkil edib.
Telegram kanalımız
