2025-ci il mayın 31-dən Air Astana Atırau-Bakı marşrutu üzrə birbaşa müntəzəm uçuşlara başlayacaq.
Uçuşlar həftədə üç dəfə müasir Airbus A320/A321 təyyarələri ilə həyata keçiriləcək. Səyahət vaxtı Atıraudan Bakıya 1 saat 25 dəqiqə, əks istiqamətdə isə 1 saat 35 dəqiqədir.
KC277 reysi Atıraudan bazar ertəsi və şənbə günləri saat 18:30-da yola düşəcək, Bakıya eniş saat 18:55-də, çərşənbə günləri isə reys saat 21:35-də başlayacaq və Bakıya eniş 22:00-da olacaq. pizza mizza
Bakıdan Atırau istiqamətinə KC278 geri qayıdış reysi bazar ertəsi və şənbə günləri həyata keçiriləcək. Uçuş saat 19:55-də başlayır və eniş saat 22:30-da nəzərdə tutulur. Çərşənbə günləri isə reys KC278 saat 23:00-da başlayacaq və ertəsi gün saat 01:35-də Atırau şəhərinə çatmaqla yerinə yetiriləcək. Uçuş vaxtları yerli vaxtla qeyd olunub.
Biletləri airastana.com rəsmi saytında, Air Astana mobil proqramında, həmçinin akkreditə olunmuş onlayn və oflayn turizm agentlikləri vasitəsilə bron etmək olar.
Atıraudan Bakıya olan yeni reyslər aviaşirkətin Almatı-Bakı marşrutu üzrə mövcud reyslərini tamamlayacaq. Qeyd edək ki, reyslərin tezliyi yayda ənənəvi olaraq həftədə üç dəfəyə qədər artır.
Air Astana tərəfindən marşrut şəbəkəsinin genişləndirilməsi Qazaxıstan və Azərbaycan arasında səyahət və işgüzar səfərlər üçün daha da geniş imkanlar açacaq.
Telegram kanalımız
