Dünyaca məşhur Hollivud aktrisası Ancelina Coli Qəzzadakı humanitar böhrana diqqət çəkmək üçün Rəfah sərhəd keçid məntəqəsinə baş çəkib. Aktrisa bölgəyə təcili və daha əhatəli yardım göstərilməsini istəyib.
''Yeni Sabah'' xarici mətbuata istinadən xəbər verir ki, Qəzza zolağı ilə Misir arasındakı Rəfah sərhəd keçid məntəqəsinə səfəri zamanı Şimali Sinay qubernatoru Xalid Mücəvir və Misirin keçmiş immiqrasiya üzrə dövlət naziri Nəbilə Məkrəm ilə birlikdə olub.
Burada humanitar yardım işçiləri ilə görüşən Coli, Qəzza zolağına yardım çatdırılması üçün göstərilən səyləri yüksək qiymətləndirib. Qəzzadakı ailələrin ciddi humanitar böhranla üzləşdiyini vurğulayan Coli, Qəzza zolağına mümkün qədər tez daha çox yardımın çatdırılmasının vacibliyini bildirib. Sezar pizza
Bundan başqa aktrisa Misir tərəfindən qəbul edilən yaralı və xəstə fələstinlilərin vəziyyətini görmək üçün Əl-Əriş Xəstəxanasına gedəcək. (Bizim.Media)
Telegram kanalımız
