Azərbaycan Yazıçılar Birliyinin (AYB) qurultayının keçirilməsi üçün vəsait köçürülməlidir.
Yenisabah.az Report-a istinadla xəbər verir ki, bunu AYB sədri, Xalq yazıçısı Anar Rzayev deyib.
O bildirib ki, qurultayın oktyabr ayının sonunda keçirilməsi planlaşdırılır: "Dəqiq tarix hələ məlum deyil. Bu da bizdən asılı deyil. Vəsait köçürülməlidir, qonaqları çağırmalıyıq. Pul köçürülən kimi dəqiq vaxt müəyyənləşəcək". Pepperoni pizza
A.Rzayev qurultayın Şabranda keçirilməməsinə aydınlıq gətirib: "Orada keçirmək mümkün olmadı. Mən özüm gedib baxdım. Hazır deyildi. Qurultayda qonaqlarla birgə 500-dən artıq iştirakçı olacaq. Şabranda da o qədər qonağı qarşılamaq üçün yer yoxdur".
Qeyd edək ki, sentyabrın 22-də AYB-nin katibliyində keçirilən iclasda qurultayın təxirə salınması ilə bağlı qərar qəbul edilib.
Telegram kanalımız
