Müğənni Aysun İsmayılova Rəqsanə İsmayılovanın həbsinə görə prezidentə müraciət edib.
Yenisabah.az xəbər verir ki, o, bu barədə sosial media hesabında paylaşım edib.
İfaçı bildirib ki, Rəqsanə İsmayılova bütün ömrünü Azərbaycan incəsənətinə həsr edib: Toyuqlu pizza
"Müzəffər Ali Baş Komandan, Prezident İlham Əliyev, analar anası Mehriban xanım, cənab nazir Vilayət Eyvazov mən bir övlad kimi sizə ümid və yalvarışla müraciət edirəm. Anam Rəqsanə İsmayılova hazırda həbsdədir. O tək sənətçi deyil, eyni zamanda dörd övlad anasıdır. Bizim ən böyük ehtiyacımız anamızın yanımızda olmağıdır. Cənab Prezident, anam bütün ömrünü Azərbaycan incəsənətinə həsr edib. Eyni zamanda pandemiya dönəmində insanlara yardım edib. Eyni zamanda, müharibə zamanı hərbiçilərimizə, qazilərimizə və şəhid ailələrinə dəstək olub. Sizdən xahiş edirəm, onun günahsız balalarının fəryadına səs verin. Biz anasız böyümək istəmirik. Siz hər zaman ədalətinizlə xalqın yanında olmusuz. Bütün varlığımızla sizdən imdad diləyirik. Bizim dövlətimizdən başqa heç kimimiz yoxdur. İnanırıq ki, səsimizə səs verəcəksiz. Mən də bütün qəlbimlə yalvarıram, anamı əfv edin".
Qeyd edək ki, bir neçə gün öncə həbs olunan Rəqsanə İsmayılova külli miqdarda dələduzluqla ittiham olunur.
Aydan Hacı
Telegram kanalımız
