Paytaxtın iki fərqli ərazisində yol-nəqliyyat hadisələri zamanı 2 nəfər xəsarət alıb.
"Yeni Sabah" xəbər verir ki, hadisələrdən birincisi Sabunçu rayonunda baş verib.
Sabunçu dairəsində 1968-ci il təvəllüdlü Hacıyev Anar Arif oğlu yolun piyadalar üçün müəyyən edilməmiş hissəsindən keçərkən onu minik avtomobili vurub.
Analoji hadisə Suraxanı rayonunda qeydə alınıb.Hövsan qəsəbəsində minik avtomobili yolu keçən 1988-ci il təvəllüdlü Pakov Vladimir Vladimiroviçi vurub.
Hər iki yaralı 3 saylı Şəhər Klinik Xəstəxanasına yerləşdirilib. V.Pakova hər iki ayaq sümüklərinin sınığı diaqnozu qoyulub, vəziyyəti orta-ağır qiymətləndirilir.
Faktla bağlı Suraxanı və Sabunçu Rayon Polis İdarələrində araşdırma aparılır.
Kamil Telegram kanalımız
