Səudiyyə Ərəbistanı Qəzza zolağında hərbi əməliyyatları dayandırmaq və tamhüquqlu Fələstin dövlətinin yaradılması üçün etibarlı planlar hazırlamaq şərti ilə İsraillə münasibətləri normallaşdırmağa hazırdır.
Yenisabah.az xəbər verir ki, bu barədə Yaxın Şərq səfərində olan ABŞ dövlət katibi Entoni Blinken Təl-Əvivdə keçirdiyi mətbuat konfransında bildirib.
“Bir neçə gün əvvəl Səudiyyə Ərəbistanında vəliəhd şahzadə Məhəmməd bin Salman Ali-Səud ilə görüşəndə o, mənə İsraillə münasibətlərin normallaşmasına çalışmaq istəyini və qətiyyətini bir daha bildirdi. Lakin o bunu təmin etmək üçün iki şeyə nail olmaq lazım olduğunu da təkrarladı. Birincisi, Qəzzada sakitlik, ikincisi, Fələstin dövlətinə aparan aydın və etibarlı yol olmalıdır”, - deyə Blinken vurğulayıb. Marqarita pizza
Tur çərçivəsində dövlət katibi Səudiyyə Ərəbistanı, Misir, Qətər, İsrail və Fələstin ərazilərində olur.
Telegram kanalımız
