Birləşmiş Millətlər Təşkilatının (BMT) Avropa İqtisadi Komissiyası sərhədlərarası kontekstdə ətraf mühitə təsirin qiymətləndirilməsi və strateji ekoloji qiymətləndirmənin həyata keçirilməsini təşviq etmək üçün Azərbaycana maliyyə yardımı ayırıb.
"Yeni Sabah" "APA"ya istinadən xəbər verir ki, bu barədə məlumat BMT-nin Avropa İqtisadi Komissiyasının saytında yerləşdirilib.
Avropa İttifaqının (Aİ) “Şərq tərəfdaşlığı ölkələrində iqtisadiyyatın yaşıllaşdırılması” (EaP GREEN) layihəsinin “Ətraf mühit üçün Avropa İttifaqı” proqramı çərçivəsində Azərbaycanla bərabər, Ermənistan, Belarus, Gürcüstan, Moldova və Ukraynaya ümumilikdə 2.6 milyon dollar həcmində maliyyə yardımı ayrılıb. Dominos pizza
Qeyd edək ki, "Şərq tərəfdaşlığı ölkələrində iqtisadiyyatın yaşıllaşdırılması” layihəsinin ümumi məqsədi iqtisadi inkişaf prosesinin ətraf mühitin tənəzzülü və resursların tükənməsi prosesindən ayrılmasında Aİ-nin Şərq Tərəfdaşlığı proqramına daxil olan 6 ölkəyə – Ermənistan, Azərbaycan, Belarus, Gürcüstan, Moldova və Ukraynaya dəstək göstərməkdir.
Telegram kanalımız
